கலகலப்பு-சக்கரை பொங்கலுக்கு வடைகறி!

அஞ்சலி குட்டி நடிச்ச படம் மட்டுமல்ல! கண்ணா! இரண்டு லட்டு திங்க ஆசையா? என சுந்தர்.சி களவாணி ஓவியாவையும் களமிறக்கி "சின்ன தலைவி அன்ட் பெரிய தலைவி" என அடடடடா! ஒரு பாடலில் காட்டு காட்டுவென காட்ட வைத்திருக்கிறார் தமிழ் மக்கள் மேன்மக்கள் மேன்மக்களே! சுந்தர்.சி நீவிர் வாழ்க....! குஸ்பு அக்கா நீவிரும் வாழ்க...!

படத்தின் கதை ஜட்டாக் ஸ்கூட்டரில் இன்னும் வலம்வரும் இளைஞர் விமல், பாராம்பபரியமான தன் ஹோட்டலை நடத்த முடியாமல் தினறுகிறார், செய்யும் காரியம் ஒவ்வொன்றும் ஏழரை.... எட்டரையாகிவிடுகிறது... சோதனை செய்யவரும் ஹெல்த் இன்ஸ்பெக்டர் அஞ்சலியை அவ்வளவு ரணகளத்திலும் கிளுகிளுப்பாக லவ்வுகிறார் விமல்.

எம்.எல்.ஏ வீட்டில் லவட்டி மாட்டிக்கொண்டு ஜெயிலுக்கு போன சிவா பரோலில் வருகிறார். கும்பகோணம் காவல் நிலையத்தில் தினமும் கையெழுத்து போடவேண்டும் என்பதால் அவருக்கும் அந்த ஹோட்டலில் பங்கு இருப்பதால் அங்கே தங்குகிறார்...சமையல்க்காரர் இராகவன் பேத்தியான ஓவியாவை லவ்வுகிறார்,ஜாலியா போயிட்டு இருக்கிற கதையில வலிய திணிக்கப்பட்ட வில்லன் பஞ்சு நகைக்கடை அதிபர், கோல்மால் வேலையெல்லாம் செய்து இருபது வைரத்தை லாஜிக்கே இல்லாமல் செல்போனில் வைத்து டொயிங்...டொயிங்....என திறந்து திறந்து காட்டுகிறார்...இருபது கோடி பெறுமானமுள்ள வைரத்தை ஈசியா எடுக்கிற மாதிரியா வைப்பாங்க...அந்த அசடு தன் மச்சான் அசடுகிட்ட கொடுத்து கும்பகோணத்தில லாட்ஜ்ல தங்க வைக்கிறார், கில்மா ஆசையில் ஐட்டத்தை கூட்டிவர அது செல்போனை லவட்டிகிட்டு போகுது...அது புரோக்கர்கிட்ட போகுது..புரோக்கர்கிட்ட இருந்து போலீஸ் கான்ஸ்டபிளிடம் வருது அவரிடம் இருந்து சிவாகிட்ட வருது,அதை ஆளுக்கு பத்து வைரமாக விமலும் சிவாவும் பிரித்து கொள்கிறார்கள்.

வில்லன் கும்பல் செல்போனைத் தேடிகிட்டு கும்பகோணம் வர...அஞ்சலிக்கு கல்யாணம் என்று தெரிய, கல்யாணத்தை நிறுத்த கிராமத்திக்கு போகிறார் விமல். அங்கே சந்தானம் மனோபாலா சேசிங் காமடி விலா நோக சிரிக்க வைச்சிட்டு திரும்ப கும்பகோணம் வருகிறார். சீட்டாட்ட பிரியரான சிவா சீட்டாட்டத்தில் ஹோட்டலையே அடகுவைக்க இன்ஸ்பெக்டர் ஜான் பத்து லட்சம் கேட்க தன பங்கு வைரத்தை கொடுத்து பத்திரத்தை மீட்கிறார். இனி வைரத்திக்காக ஒருவருக்கொருவர் அடித்துக்கொள்ள கடைசி கிளைமாக்ஸ் வரை காமடியிலேயே படம் நகர்கிறது. சுந்தர்.சியின் அசட்டுத்தனமான கேரக்டர்கள் மூலம் சிரிக்க வைக்கும் பாணியில் முடிந்த அளவு சில இடங்களில் வயிறு வலிக்கும் அளவு நகைச்சுவை காட்சிகள் இருப்பதால் படம் போரடிக்கவில்லை...பார்க்கலாம்.

இளவரசு வட்டிக்கு பணம் கொடுப்பவராக வந்து இன்ஸ்பெக்டர் ஜானிடம் சிவா மாட்டிவிடும் காட்சியும் மாறுவேடத்தில் அலைவதும், வில்லன் கோஸ்டி முகத்தில் குத்து விட கழுத்து திரும்பியபடி நடிக்கும் காட்சியில் ஸ்கோர் செய்கிறார். வில்லன் பஞ்சு வைரம் உள்ள செல்போனை பேக் பாக்கட்டில் வைத்துகொள்ள நாய் மொத்தமாக கவ்விவிட அந்த களோபரத்தில் சிவா அன்ட் விமல் தப்பிக்க இடுப்பு சுளுக்கிய விமல் இடுப்பை பிடித்துக் கொண்டு ஓடும் காட்சி செம ரகளை..!

சிவா பஞ்ச் டயலாக் பேசும் விதம் தமிழ்படத்தில் பார்த்து சலித்துவிட்டதால் எடுபடவில்லை, தனக்கு கொடுத்த கேரக்டரை சிறப்பாக செய்து இருக்கிறார் ஓவியா, அஞ்சலி நடிப்புக்கெல்லாம் இங்க வேலையில்லை சும்மா வந்து போகிறார்கள், மனோபாலா ஓரிரு காட்சிகளில் தலை காட்டுகிறார், சந்தானம் இடைவேளைக்கு பிறகு வருகிறார் வழக்கமான வடிவேல் கோவிலில் அரைத்த மாவை சந்தானம் அரைத்துள்ளார்...சுமாரா இருக்கு, இன்ஸ்பெக்டராக வரும் ஜான் வழக்கம் போல இல்லாமல் காமடியாக முயற்சித்துள்ளார் ஓகே...ஓகே...

பாடல்கள் ஒரு பாடல் குத்து பாடல் ஒன்றும் ராக் பாடலும் ரசிக்கலாம். நீண்ட நாள் ரசனைக்கு ஏற்ற பாடலாக நம் கையிருப்பில் இருக்க வாய்ப்பில்லை சுமார்தான். கலகலப்பு @ மசாலா கபே சக்கரை பொங்கலுக்கு வடைகறி!காம்பினேசன்...