நாய்த் தொல்லை தாங்க முடியலைடா சாமி!

எட்டு வயசுல...எங்கயாவது கடைக்கு இல்லை பிரண்ட பார்க்க போகனும்னா' பைக் இல்லை கார்லதான் போவேன். என்னா சார் முழிக்கிறீங்க? அட கற்பனை குதிரை சார்...!கார் சாவிய போட்டு ஸ்டார்ட் பண்ணுவேன்' டுஸ்டுஸ்டுஸ்ஸ்ஸ்......என ஸ்டார்ட் ஆக மறுக்கும், ஒரு ஹாரன் அடித்து விட்டு (வாயிலதான்) மறுபடியும் ஸ்டார்ட் செய்வேன் டுர்ர்ர்ர்ர்ர்ர்ர்ர் ர்ர்ர்ர்ர்ர்ர்ர்ர்ர்....இப்ப ஸ்டார்ட் ஆயிருச்சு, இடது கையில கியரை போட்டு வண்டிய கிளப்பி ஓட்ட வேண்டியதுதான், நம்ம கற்பனைக்கு தகுந்த மாதிரி காரோ, பைக்கோ பறக்கும்.

செம சிப்பு! நாய் நக்ஸ் போன் ரிப்பேராம்!

இந்த கற்பனை குதிரைக்கு பெரும் இடைஞ்சல் பைரவர்தான்! ஆமா சார் நாய்தான்! எங்க வீதியில ஒரு வீட்டுல இருக்கிற நாய்க்கு இந்த கற்பனை குதிரைய பிடிக்காது, அதனால அங்க பிரேக் போட்டு பம்பிகிட்டு நைசா நடக்கனும், ஒரு முறை கார் ஓட்டும் கவனத்தில் ஒளிந்திருந்து ஒருகளித்து படுத்திருந்த பைரவரை மறந்து விட்டேன், ஸ்டியரிங்கை திருப்பி...திருப்பி... வாயு புத்திரனாக வந்த என் காரை பாய்ந்து வந்த பைரவர், இன்டிகேட்டரை கடித்து விட்டார் அதாவது கெண்டைக்கால்ல ஒரு முத்தம்! நல்ல வேளை ஹெட்லைட் தப்பிச்சது.(ஆனா அவ்வளவு வலியிலும் நாய் வடை போச்சே! அப்படின்னு சொன்னது என் காதில விழுந்தது.)

எங்க ஊர்ல நாய்கடின்னா மருந்து குன்னூர் போய் வாங்கிட்டு வரனும், இப்ப இல்லை அப்ப! வாங்கிட்டு வந்து லோக்கல் டாக்டர் கிட்ட கொடுக்கனும், அவர் தினமும் நம்ம தொப்புள்ல கிரிகெட், புட்பால் எல்லாம் விளையாடுவார், அவரு கடிப்பாரு பாருங்க (அவருமா என கேட்காதிங்க கடி ஜோக்காம் நாய் கடியே மேல்) நாய ஏண்டா கடிச்ச? ராஸ்கல்ஸ்! அப்படிப்ம்பாரு நாய் சாகலையே என அக்கரையா விசாரிப்பாரு...அடங்கொன்னியா அந்த நாதாரி நாயி கடிச்சது என்னை, அத சாகலையான்னு விசாரிப்பாரு! இப்பதானே தெரியுது நம்மை கடிச்ச நாயி செத்தா நமக்கும் சங்குன்னு...

அடங்கோ! நாய்நக்ஸ் போனா நான் இல்லையின்னு
சொல்லுப்பா!

கடிக்கு தகுந்த மாதிரி 16 ஊசி 8 ஊசின்னு போடுவாங்க எங்க தொப்புளை சுத்திதான், நாலாவது ஊசியிலையே உளுந்து வடை மாதிரி ஆயிரும் நம்ம தொப்புள், ஜஸ் வாங்கி வந்து வைக்கனும், அதுமட்டும் இல்லை சார் ஒரு மாசத்திக்கு உப்பு,புளி,காரம் எதையும் தொடக்கூடாது கறி,கருவாடு,மீன் எல்லாம் நஹி! நமக்கு முன்னாடியே உக்காந்து வெளுத்து வாங்குவாங்க.....அதுமட்டும் இல்லாம இனி அங்க வெளையாட போவியா என்று கேட்டுட்டே எங்க அண்ணன் நல்லி எழும்பை கடிப்பான் கடக்குன்னு! அப்படியே அந்த நாய (அண்ணனை இல்லை) கொரல்வளைய கடிச்சு துப்பனும் போல இருக்கும்.

காயம் எல்லாம் ஆறிய பிறகு மறுபடியும் கற்பனை குதிரை பறக்கும், அந்த வீட்டுக்கு முன்னாடி மட்டும் நாய விட மோசமா பம்பிகிட்டு போவேன், பூனை மாதிரி! வெளிய படுத்திட்டு இருந்தா நக்கலா ஒரு பார்வை பார்த்து சிரிக்கும் அதாவது அது பாசையில கர்ர்ர் அப்படிங்கும், ஊர்ல எல்லாத்துக்கும் ஒரு சாவு வருது இதுக்கு வரமாட்டிங்குது என நினைக்கும் அளவு வெறியாகும் எனக்கு!

யம்மா! என்னா கொலை வெறி!

என் அழுகுரல் கடவுளுக்கு கேட்டிருச்சோ என்னவோ! ஒரு நல்ல நாள்ல நாய் வண்டிக்காரன் வந்து புடிச்சி ஒரு ஊசிய போட்டு கொன்னே போட்டான்! தூக்கி வண்டியில போட்டு அரசு பழத்தோட்டத்துக்கு உரமாக்க கொண்டு போயிட்டானுக... அன்னிக்கு பசங்களுக்கு கம்பர்கட் வாங்கி கொடுத்து பார்ட்டி வெச்சேன், 

ரொம்ம நேரம் பேசிட்டு தூங்க போயிட்டேன் படுத்ததும் தூங்கிட்டேன்... கனவுல அந்த நாய் தன் கோரமான பல்ல காட்டி உருமிகிட்டே என்னை துரத்துகின்றது நானும் ஓடுகிறேன்... ஓடுகிறேன்... பல கிலோ மீட்டர் ஓடுகிறேன், மூச்சு இறைக்குது... முடியலை ஓட முடியலை நின்னுட்டேன்! அது பக்கத்தல வருது! வந்திருச்சு வாய திறந்து கடிக்க வருது.....அம்மா...! என் அலறல் கேட்டு வீடே எழுந்து விட்டது, என்னடா எதாவது கனவு கண்டியா நாயே! கம்முன்னு தூங்கு என்றபடி பெரியவர்கள் தூங்கி விட்டார்கள் என்ன கொடுமை சார் இது?

இப்போதெல்லாம் பைக்ல போகும் போது, நடந்து போகும் போதெல்லாம் பைரவர் துரத்துவதில்லை, ஆனா கார்ல போகும் போது சில பைரவர்கள் பயந்து போய் காரை துரத்தும் மனசுக்குள்ள சிரிச்சுக்குவேன்.. உன்னால என்னை கடிக்க முடியாதே! என்று ஏளனம் வேறு வரும்...பாதுகாப்பா இருக்கிறமே!ஆனாலும் ஒன்னு சார் விடாது கருப்பு ச்சே.....நாய் சார் என்னை.....

நாய்கடி ஊசி போடும் போது சட்டைய
இப்படி கட்டிக்கனும்