நல்ல கோழி புடிப்பது எப்படி?

வணக்கம்,வந்தனம், நம்ஸ்கார் எப்படியிருக்கிங்க நேற்றைக்கு ஞாயிற்றுக்கிழமை எல்லாம் ஜாலியா தூங்கியிருப்பிங்க... சினிமா போயிருப்பிங்க.. கறி சமைச்சிருப்பிங்க சாப்பிட்டுருப்பிங்க, ஓகே..ஓகே...நான் நேற்றைக்கு வீட்டுல ஊர்ல இல்ல அதனால ஐயம் பேச்சிலர் இன்னும் ஒரு மாதம் நான் பேச்சிலர்..பேச்சிலர்...பேச்சிலர்...,ஜனகராஜ் கணக்கா எம் பொண்டாட்டி ஊருக்கு போயிட்டா....எம் பொண்டாட்டி ஊருக்கு போயிட்டான்னு சந்தோசத்தில திக்குமுக்காடிட்டேன்.

ஆனா ஜனகராஜ்க்கு எப்படி அந்த சந்தோசம் நீடிக்கலையோ...! அதே மாதிரி பொண்டாட்டி திரும்பிவரல! போன் வந்தது...! என்னங்க ஹோட்டல்ல சாப்பிட போறீங்களா? சமைக்க போறீங்களா? அப்படின்னு....சமைக்கிறதா நான்சென்ஸ் அது எங்க பரம்பரைக்கே கிடையாது அப்படின்னு போனை வைக்கற....,நம்ம நண்பன் கூப்பிடுறாரு மாப்ள செம கோழி மாட்டிருக்கு அடிச்சிருவோமா...? படுபாவி பயலுக எம் பொண்டாட்டி வாசப்படிய தாண்டி ஒரு மணி நேரம் கூட ஆவுல உடனே போன்..., பயபுள்ள சொன்னது சாப்பிடற கோழி தவறா நினைக்காதிங்க....

நல்ல வகையா நயன்தாரா மாதிரி ஒரு கிலோவுக்கு மேல இருக்கும். நல்லா வெட்டி பக்காவா கொண்டு வந்துட்டோம், கூட ஐயர் பையன் ஒருத்தன் அண்ணா பிராய்லர் கோழியா பேஷா இருக்குமே அப்படின்னு சப்பு கொட்டுறான்,பறக்காதடா இருடா அண்ணன் சூப்பரா சமைச்சு தருகிறேன் என்றேன், பயபுள்ள வீட்டுல செம ஆச்சாரம்...! சேனைகிழங்கு அப்படின்னு கொடுத்து பயபுள்ளய ருசி பார்க்க வைச்சதிலிருந்து சிக்கன்'னா ஓடி வந்திடுது அபிஸ்டு! தீர்த்தம் கொஞ்சம் உள்ள போனா பயபுள்ள எழும்பு கூட விடமாட்டன்! என் சமையல்ல வறுவல்ன்னா பயபுள்ளைக்கு ஒரு கூட ஒரு திருகலும் வேனும்....நமக்கு அதுதான் வசதி. இனி செய்முறை சேதாரம் இல்லாம...

வீட்டுகாரி பிரிட்ஜ்ல ஒரு சில சாமானை மட்டும் வெச்சிட்டு போயிருந்தா. இருக்கிறத வைச்சு பண்ணுவோம் ஏன்னா ஐ யெம் பேசிக்கலி சோம்பேரி இரண்டாவது பக்கத்து கடையில வாங்குனா என் சம்சாரம் வந்ததும் உன் வீட்டுகாரர் சிக்கன் மசாலா வாங்கினார் என்று போட்டு கொடுத்திடுவார் அண்ணாச்சி! அடி யாரு வாங்குறது...யம்மா...!

இரண்டு பெரிய வெங்காயம், ஒரு தக்காளி கொஞ்சம் பச்சை மிளகாய், லவுண்டு பூண்டு, இஞ்சி, கறுவேப்பிலை, மல்லித்தழை, சக்தி சிக்கன் மசாலா ஒரு பாக்கட் அவ்வளவுதான், போருக்கு தயாரான ஆயுதம்...

கறிய நல்லா கழுவி வைத்துவிட்டு..எண்ணைய ஊற்றி காய்ந்ததும் சிறிது கடுகு போட்டு வெடித்ததும் கறுவேப்பிலை போட்டு, அரிந்த வெங்காயத்தையும் போட்டு, பூண்டு இஞ்சிய நல்லா நசுக்கி சேர்த்து தாளித்தபிறகு, கழுவி வைத்த கறிய போட்டு, நல்ல ஓரளவு கறி கலர் மாறும் வரை அப்படியே பிரட்டனும், அப்போது அரிந்த தக்காளிய போட்டு சிக்கன் மசாலாவை தூவின மாதிரி போடனும், முழு மசாலாவை போட்டபிறகு தேவையான அளவு உப்பு போட்டு சிறிது தண்ணீரை ஊற்றி மூடி வைத்து நன்கு வெந்த பிறகு தண்ணீர் வற்றும் வரை பிரட்டி ஒரு பீஸ் கறிய டேஸ்ட் பார்த்தது, பஞ்சு மாதிரி வெந்த பிறகு இறக்கி வைத்து சுடு சோற்றில பிசைந்து சாப்பிட்டா தேவார்மிதம்தான்.

பேச்சிலர் டிப்ஸ்

கறி சுகுணா இல்லை, நல்ல தரமான கடைகளில் வாங்கவும் குறிப்பிட்ட நாட்கள் தள்ளிய பிராய்லர் கறிகள் இரப்பர் மாதிரி இருக்கும் அது ஜீரணமாகாது. 

வெயில் காலம் காரம் குறைவாக பயன்படுத்தவும், விருப்பம் உள்ளவர்கள் தேங்காய் துண்டுதுண்டாக நறுக்கிப் போட்டால் பள்ளிபாளையம் சிக்கன்.

கறியின் வாசம் பிடிக்காதவர்கள் கொஞ்சம் ஏலக்காய், இல்லை சிறிது ரோஸ் எசன்ஸ் பயன்படுத்தலாம்.

இவ்வளவு கஸ்டமா சாப்பிடனுமா என்பவர்கள் கறிக்கு பதிலாக உருளைகிழங்கு அல்லது மீல்மேக்கர் பயன்படுத்தவும்.

நல்ல கோழி புடிப்பது எப்படி? சிறிய தவறு சமைப்பது எப்படி என்றிருக்க வேண்டும்....ஹிஹி! அப்புறம் இந்த பதிவுக்கும் சோனாவுக்கும் என்ன சம்பந்தம் என்று கேட்கிறீங்களா? நான் கோழிவாங்க போன கடையில இந்த படம் பெரிசா வச்சிருந்தாங்க இதே கேள்விய தாங்க கேட்டேன்....கடைக்காரன் கத்திய தீட்டினான் எதுக்கா இருக்கும் ஆனா நான் எஸ்கேப்!