நண்பனாயாணம்…

இன்றைக்கு காலையில நம்ம ஆபிஸ் பையன் காலையிலையே பொங்கல் லீவுங்கறதால வேலையெல்லாம் முடிச்சிட்டு பிரியா இருப்பதால் பயபுள்ள நண்பன் படம் பார்த்துட்டு வந்தது, வந்ததில் இருந்து இருக்கானா இடுப்பு இருக்கானா பாட்டை முணுமுணுத்துட்டே இருந்தான், நல்லா பீப்பாய் மாதிரி இருக்கிற பெண் கஸ்டமர் வந்தது பயபுள்ள இந்த பாட்டையா பாடனும் குமட்டுல ஒன்னு விட்டதிலிருந்து அஸ்கு புஸ்க்குன்ட்டு இருக்கு..பாட்டு இல்லை வலியில கத்துது பயபுள்ள!

நான் 3இடியட்ஸ் பல தடவை பார்த்ததால போக விருப்பம் இல்லை, பயபுள்ள இன்னிக்கு புல்லா நண்பனாயாணந்தான்… எப்படித்தான் இருக்கும் என்று பார்க்க போலாம்ன்னு சிங்காரவேலா டிக்கட் புக் பண்ணுடான்னு கிளம்பிட்டேன்.

இரண்டு டிக்கட் கிடைச்சது சாவகாசமா போனாலும்…டைட்டில் ஓடும் போதே போய்ட்டோம்..இனி படத்தை பற்றி பேசுவோம்…

படத்தில கதை உங்களுக்கு ஏற்கனவே சொல்லியாச்சு….அதனால அதைபற்றி வேண்டாம் சில விசயங்கள் மட்டும் சொல்லுகிறேன் கேட்டுக்கங்க…

படத்தில ஒளிப்பதிவு பஸ்ட் கிளாஸ் ஊட்டி ரோடு கார் பயணத்தை அழகா எடுத்திருக்காங்க.. தனுஸ்கோடி பாம்பன் பாலம், கோவை கொடீஸ்யாவுக்கு முன்னாடி ஒரு பெரிய பில்டிங்! அது ஹோட்டல்ன்னு நினைக்கிறேன்! நான் கோவை போகும் போதெல்லாம் ரசிக்கிற பில்டிங் படத்தில வருது, தமிழ்நாடு ஒன்னும் ஏப்பை சேப்பையில்லங்கற மாதிரி…, ஆனால் ஒன்று... நாலு தடவை கரண்டு கட்டு! இப்படியே போனா என்ன பண்ணுவது…கரண்டு அடிக்கடி கட் ஆகுது என்பதை விட, அம்மா ஆட்சியில கரண்டு அப்ப அப்ப வருது….,சரி அரசியல் வேண்டாம் படத்திக்கு வருவோம் ஒளிப்பதிவாளர் மனோஜ் பரமஹம்சாவுக்கு ஒரு ஷொட்டு!

நடனம் சாராகான் பட்டைய கிளப்பியிருக்காங்க..! இருக்கானா பாட்டிக்கு பெல்லி டான்ஸ் செம கலக்கல்! விஜய் நடனத்தில் புலி என்பது எல்லாருக்கும் தெரியும் அதுவும் அஸ்க்கு பாட்டில் சினிமாவை நையாண்டி செய்யும் விதமாய் பாரின்பாட்டு, காதல்பாட்டு, ராஜாபாட்டு, குத்துபாட்டு, என்று கிளாப்ஸ்சிலைடு காட்டுவது வித்தியாசமான சிந்தனை! இதுல சங்கர் இரயிலுக்கு பெயிண்ட அடிச்சிட்டார்,எதாவது ஒன்னுக்கு பெயிண்ட் அடிக்கனும், சங்கர் சூட்டிங் நடக்கும் போது யாரும் போயிறாதிங்கப்பா நமக்கும் பெயிண்ட் அடிச்சிறப் போறார்....

இயக்கம் சங்கர் என்பதால் படம் போரடிக்காது என்பது அனைவருக்கும் தெரியும்!? முதன்முதலில் சங்கர் மொழிமாற்றம் செய்துள்ளார், 3இடியட்ஸ் படக் காட்சியினை சிதைக்காமல் அப்படியே… மொழி மாற்றம் செய்துள்ளார் உண்மையில் தைரியம்தான், வேறு ஒருவர் என்றால் தமிழுக்கு தகுந்த மாதிரி மாற்றுகிறேன் என்று உண்மையான படைப்பாளியின் கருவை சிதைத்து விடுவார்கள் அந்த வகையில் சங்கரை பாராட்ட வேண்டும்..

விஜய்க்கு பிரண்ட்ஸ் படத்திக்கு பிறகு ஒரு அமைதியான நடிப்புக்கு வாய்ப்பளிக்கும் ஒரு படம், பில்டப், பன்ச்டயலாக், காட்டுகத்தல் காமடி எதுவும் இல்லாமல் ஒரு நல்லபொழுது போக்கு படம், விஜய் ரசிகர்களுக்கு மட்டுமில்லாது நடுநிலை மற்றும் அணிலைப் பிடிக்காத நண்பர்களுக்கும் பிடிக்கும், ஆனா பாருங்க பிடிக்லைம்பாங்க... இல்லையினா சங்கர் படம்பாங்க அதவிடுங்க....ALL IS WELL

ஜீவா இவர் நடிப்பை பல படங்களில் பார்த்தவர்களுக்கு… இந்தப்படம் இவருக்கு சவால் இல்லை, ஒரு ஜாலியாக நடித்திருக்க கூடிய படம் என்பதை கணித்திருப்பார்கள், இயல்பான நடிப்பில் தாழ்வு மனப்பான்மையால் தான் சுருங்குவதை முகத்தில் காட்டுகிறார், நண்பனா, குடும்பமா என மனப்போராட்டதை வெகு அழகாக முகத்தில் காட்டுகிறார் சங்கர் இவருக்கு மட்டும் குளோஸ் அப் காட்சிகளை அடிக்கடி காட்டுவதின் சூட்சுமம் நன்றாக புரிகிறது…ஜீவாவுக்கு ஒரு ஷொட்டு

ஸ்ரீகாந்த் முகத்தில் ஒரே மாதிரியான எக்ஸ்பிரசினில் கொல்லும் மனிதர் இதில் கலக்கியிருக்கிறார், இயக்குனர் சங்கர் பட்டரையில்... பட்டை தீட்டப்பட்டுள்ளார் என்பதை கடைசி காட்சியின் அப்பா மகன் உணர்ச்சி போராட்டத்தின் காட்சிகளில் அருமை..! அருமை...!நன்றாக நடித்துள்ளார்,ஸ்ரீகாந்த் இனி தேர்ந்தெடுத்து நடித்தால் ஒரு சுற்று வருவார்..

சத்தியராஜ் எங்கே ஓவர் ஆக்சனில் அந்த கேரக்டரை சிதைத்து விடுவாரோ என்று பயந்தேன், முந்தைய பதிவில் கூடக் கூறியிருந்தேன் ஆனால்! மனிதர் தன் பானியில் கலக்கிவிட்டார்.. மீசையை வழித்து எடுத்த பின் போதையில் பேசும் காட்சிகள், அவரால் மட்டும் முடியும்! மறுபடியும் அடுத்த வில்லன் சுற்று வருவாரா?

சத்யன் சரியான வாய்ப்பு இல்லாத சிறந்த நடிகர், மேடையில் கற்பிக்கும் என்பதை கற்பழிக்கும் என்று பேசும் காட்சி ரசிக்கும் படியிருந்தாலும் கொங்கை என்பது சிறிது விரசமாக இருக்கிறது,இனி படங்களில் வாய்ப்பு வரும்...இவருக்கு கண்டிப்பாக ஷொட்டு!

இலியானா ரொம்ம பூஞ்சையா இருக்கிறார்! கரீனா அக்காவும் இப்படித்தான் இருக்காங்க,நம்மாளுகளுக்கு இப்படியிருந்தா புடிக்காதுத்தா…நல்லா சாப்பிட்டு தெம்பா இருக்கலாமில்ல என கஞ்சா கருப்பு மாதிரி சொல்லனும் போல இருக்குது…நடிப்பு ஓகே நல்லா நடிச்சிருக்காங்க…ஆனா கவர்ச்சியில்லை பரிதாபமா இருக்கு…சரி…சரி…விடுங்க இனி வருங்காலத்தில ஹன்சிகா மாதிரி ஆகாம எங்க தலைவி அஞ்சலி மாதிரி கொஞ்சம் பூசின மாதிரி வந்து தமிழனை சந்தோசப்படுத்துங்க…கண்டிப்பா கோயில் கட்டுவோம்…அதிமுக இல்ல திமுகாவில... இரண்டும் இல்லையினா பாமாகவில கொள்கை பரப்பு செயளாளரா சேர்த்து விடுகிறோம்! இந்த தேர்ந்தல்ல இருந்து பாவம் கட்சி களையிழந்து இருக்குது.ஆனா ஒரு கன்டிசன்! கொள்கைன்னா என்னன்னு கேட்க்க கூடாது.

மக்களே! படம் போரடிக்கலை பார்க்கலாம்!மனசு விட்டு சிரிக்கலாம்!தியேட்டர்ல போய் பாருங்க ஒளிப்பதிவுக்காக...

நட்புடன் உங்கள் நண்பன்

K.S.Sureshkumar