நாய்-நக்ஸ் அவர்களிடம் நக்கலான கேள்விகள்...

அரசு,தனியார் வேலையில் இருப்பவர்கள் வேலை நேரத்தில் பிளாக் எழுதுவது பற்றி நீங்கள் என்ன நினைக்கிறீங்க?

"ஹலோ முதல் கேள்வியே வில்லங்கமா இருக்கு! என்னய்யா 24மணி நேரமும் உழைக்க நாம் என்ன மிசினா ரிலாக்ஸ்க்கு கொஞ்ச
நேரம் படிக்கலாம் முழுநேரம் நோண்டறது தவறு"

நீங்க திடீரென்று நாயா(ஆல் ரெடி இப்ப அப்படித்தான்) மாறிவிட்டால் என்ன செய்வீர்கள்?

"இது என்னய்யா கேள்வி சண்டை வந்தா லொள்லொள் என்று குறைப்பேன், அன்புக்கு வாலாட்டுவேன்"

சட்டசபையில் விஐயகாந்த் நாக்கை கடித்து கையை நீட்டி பேசியது தவறா?

"ஊழல்வாதிய கன்னத்தில விட்டார் பாருங்க ஒரு சிங்கு, அவரை கொஞ்சம் நம்ம தமிழ்நாடு சட்டசபைக்கு அனுப்புனா விஐய்காந்த யாரும் தவறு சொல்ல மாட்டாங்க"

மின்சாரம் தட்டுபாட்டுக்கு மத்திய அரசுதான் காரணம் என்று அம்மா சொல்றாங்க அதைப்பற்றி நீங்க என்ன சொல்றீங்க..?

"ஆர்க்காட்டாரும் இதையேதான் சொன்னார். இப்ப இவங்க சொல்றாங்க,இப்ப இருக்கிற தட்டுபாட்டுக்கு ஆர்காடுவீராசாமி பெட்டர்."

விஜயகாந்த் சட்டசபையில் நடந்துகிட்டத கலைஞர் பார்த்து என்ன நினைத்திருப்பார்?

"நம்மால முடியலை, அவராவது பொங்குறாரே என்று நினைத்திருப்பார்!"

அடுத்த முதல்வரா திமுகவில் ஸ்டாலினா, அழகிரியா?

"யோவ்! நாங்க மு.க.தமிழரசு வருவார்ன்னு நினைச்சிட்டு இருக்கிறோம்"

எதாவது ஒரு நடிகையுடன் டேட்டிங் போகலாம் என்று அழைக்கிறாங்க யாரை தேர்வு செய்வீங்க..?

"என்னை ஒரு வட்டத்துக்குள்ள வைக்கமுடியாது! எல்லா நடிகையும் என்றால் ஓகே! " (ஆமா டேட்டிங்னா என்ன?)

மானாடமயிலாட பார்த்திருக்கிறீர்களா?

"சிதம்பரத்தில அதெல்லாம் இல்லை! உங்க ஊர் வந்தா மான்,மயில் எல்லாம் பார்க்கலாமா"

நீங்க கடைசியா பார்த்த தமிழ் திரைப்படம் எது?

"சிதம்பரத்தில் ஒரு அப்பாசாமி!"

சரி இன்றைக்கு உங்க திருமணநாளாமே..உண்மையா?

"யோவ் அதை ஏன்யா ஞாபகப்படுத்துற..
ஹிஹி சும்மா காமெடி பண்ணினேன் உண்மையில நான் கொடுத்து வச்சவன்யா நண்பர்களோட சேட்ல பேச ஆரம்பிச்சா சாப்பிடக் கூட மாட்டேன், என் மனைவிதான் நீங்க பேசுங்க நான் ஊட்டி விடுகிறேன் என்று ஊட்டி விடுவாங்க...,என் மனைவிக்கு நான் இன்னும் குழந்தைமாதிரிதான்யா.."

நக்கீரன் கடைசி கேள்வியின் பதிலை நெகிழ்வா சொல்லியிருக்கீங்க....நீங்க சந்தோசமா வாழ இறைவனை வேண்டுகிறேன் இனிய திருமணநாள் வாழ்த்துகள்,

                                                          நன்றி...நன்றி....நன்றி