எச்சரிக்கை பன்றி காய்ச்சல்(Flu A H1N1)

ப்ளு காய்ச்சல் போன்று அறிகுறிகள் தென்பட்டால் உடனடியாக அருகில் உள்ள அரசு மற்றும் தனியார் மருத்துவமனைகளில் மருத்துவரால் பரிசோதிக்கப்பட்டு அவர்களை கீழ்கண்ட வகைகளாக பிரிக்கப்படவேண்டும்.

வகை-A

1.  மிதமான காய்ச்சலுடன் இருமல் தொண்டை வலி அதனுடன் சேர்ந்து உடம்புவலி தலைவலி, வாந்தி பேதி நோயாளிகள் இந்த வகையில் அடங்கும்.
2. மேற்குறிப்பட்டுள்ள அறிகுறிகளுக்கு டாமிப்ளு மாத்திரை தேவையில்லை. அறிகுறிகளுக்கு ஏற்றவாறு சாதாரண மாத்திரைகளே போதுமானது.
3. மேலே குறிப்பிட்டள்ள அறிகுறிகள் மேலும் மோசமடைகிறதா என 2 நாள் கழித்து மீண்டும் மருத்துவரால் பரிசோதிக்கப்பட்டு கண்காணிக்கப்பட வேண்டும்.
4. இது போன்று அறிகுறியுள்ள நோயாளிகளுக்கு பரிசோதனை செய்ய தேவையில்லை.

வகை-B

1. வகை A-வில் குறிப்பிட்டுள்ள அறிகுறியுடன் மேலும் அதிக்காய்ச்சல் மோசமான தொண்டை வலி இருந்தால் அவர்களை வீட்டில் தனி அறையில் வைத்து கவனத்துடன் பாதுகாக்கபட வேண்டும்.
2. வகை A-வில் குறிப்பிட்டுள்ள அறிகுறியுடன் கீழ்கண்ட பிரிவினருக்கு டாமிப்ளு மாத்திரை அளிக்க வேண்டும்.

•  5வயதிற்குட்பட்ட குழந்தைகள்
•  கருவுற்ற தாய்மார்கள்
• 65 வயதை கடந்த முதியவர்கள்
• நுரையீரல் இருதய கோளாறு, கல்லீரல் கோளாறு
• சிறுநீரக கோளாறு, சர்க்கரை வியாதி
• நரம்பு தளர்ச்சி, புற்றுநோய் மற்றும் எச்.ஐ.வி(HIV)

1.  இது போன்ற அறிகுறிகள் உள்ள நோயாளிகளுக்கு HIN1 பரிசோதனை தேவையில்லை.
2. மேலே குறிபிட்டுள்ள இந்த வகையான அனைத்து நோயாளிகளுக்கும் வீட்டிலேயே தனி அறையில் பாதுகாப்பாக கவனிக்கப்படவேண்டும். மேலும் வெளிநபர்களோ அல்லது வீட்டில் உள்ள இதர நபர்களோ அவருடைய அறைக்கு செல்வதை தவிர்க்கவும்.

வகை-C

மேற்குறிப்பிடுள்ள வகையான A மற்றும் B –ல் உள்ள அறிகுறிகளுடன் மூச்சு தினறல், நெஞ்சு வலி, மயக்கம், இரத்த அழுத்தம் குறைதல், சளியுடன் கூடிய இரத்தம், நகத்தில் நீலநிற மாற்றம் ஏற்படுதல், குழந்தைகள் உணவு உண்ண மறுத்தல், அசாதாரண நிலையில் அழுகை போன்ற அறிகுறிகள் காணப்பட்டால் உடனடியாக அரசு மருத்துவமனைகளில் அனுமதிக்கப்பட்டு HIN1 பரிசோதனை செய்து டாமிப்ளு சிகிச்சை அளித்து தொடர் நடவடிக்கை எடுக்கலாம்

பன்றிக்காய்ச்சல் (Flu A H1N1)

பன்றிக்காய்ச்சல் (Flu A H1N1)எச்சில் மற்றும் சளி மூலம் மனிதனிமிருந்து மனிதனுக்கு அதிகப்பட்சமாக 2-3 மீட்டர் தூரத்திற்கு பரவக்கூடியது. நேரிடையாக பன்றிகள் மூலம் பரவுவது இல்லை.

பன்றி காய்ச்சல் அறிகுறிகள்

முதல் 3 நாட்களுக்கு ஏற்படும் ஆரம்ப அறிகுறியான தொடர் காய்ச்சல் (102 டிகிரிக்கு மேல்) தும்மல், மூக்கில் நீர்வடிதல், இருமல், தொண்டைவலி மற்றும் எரிச்சலுக்கு மருத்தவ சிகிச்சைக்கு முழு நிவாரணம் அளிக்காத நிலையில் தொண்டை தடவல்(Throat Swab) பரிசோதனை செய்து கொள்ளலாம்.

4 நாட்களுக்கு பின் தோன்றக்கூடிய நிமோனியா, மூச்சு திணறல், வயிற்றுப்போக்கு, வாந்தி, சோர்வு, தோள் தடிப்புகளுக்கு மருத்துவ பரிசோதனை/ஆலோசனை படி  டாமிப்ளு சிகிச்சை அளிக்க வேண்டும்.

சாதரண ஜலதோசம் (Seasonal Flu)

ஆரம்ப அறிகுறியான தும்பல், இருமல், தொண்டை கட்டுதல் சாதரண சிகிச்சையில் குணமடையும்.

சிகிச்சை அளிக்கும் இடங்கள்

பரிசோதனையில் H1N1 உறுதி செய்தபின் டாமிப்ளு மாத்திரைகள் அனைத்து அரசு மருத்துவமனைகளில் கிடைக்கும்

பன்றி காய்ச்சலை தவிர்க்க

செய்ய வேண்டியவை	செய்யகூடாதவை
1.இருமல் தும்மலின் போது கைக்குட்டை திசுப்பேப்பர் மூலம் முகத்தை மூடுதல்	1.பொது இடங்களில் இருமுதல், தும்முதல் துப்புதல்
2.மூக்கு, கண்கள், வாய்தொடுவதற்கு முன்பும் பின்பும் கைகளை சுத்தமாக கழுவுதல்	2.மேற்கூறிய அறிகுறி உள்ளவர்களிடம் கை குலுக்குதல் அணைத்தல், அணைத்தல் முத்தமிடுதல்.
3.கூட்டமான இடங்களில் பஸ், இரயில், மார்கெட் மருத்துவமனை, சினிமா தியேட்டர்களில் தும்மல், இருமல் உள்ளவர்கள் முககவசம் அணிந்து செல்லுதல்	3.அறிகுறி உள்ளவர்களிடம் ஒரு மீட்டர் தூரத்திற்குள் நின்று பேசுதல்.
4.மிதமான சுடு நீருடன் உப்பு கலந்த கரைசலை பயன்படுத்தி ஓரிரு நிமிடங்கள் வாய் கொப்பளித்து தொண்டையையும் தூய்மையான நீரினால் மூக்கு துவாரங்கள், கண்கள் மற்றும் கைகளை அடிக்கடி சுத்தம் செய்தல்	4.மருத்தவரின் ஆலோசனையில்லாமல் மருந்துகளை உட்கொள்ளுதல்
5. வெதுவெதுப்பான குடிநீரை அடிக்கடி பருகுதல்	5.சாதரண காய்ச்சல் இல்லாத ஜலதோஷத்திற்கு உடனடி மருத்துவ சிகிச்சை பெற்று குணமடையாமல் போனால் பன்றிக் காய்ச்சல் என்ற பீதியுடன் பரிசோதனைக்கு அணுகுதல்.
6.குளிர் சாதன பெட்டிகளை வாரம் ஒருமுறை கிருமி நாசினியால் சுத்தம் செய்தல்	6.போலியான(அரசு அங்கீகாரம் பெறாத) இடங்கள் நபர்களிடமிருந்து மருத்துவ பரிசோதனைகள் மற்றும் சிகிச்சை பெறுதல்

பரிசோதனை செய்யும் இடங்கள்

1. தொண்டை தடவுதல்(Throat swab) மற்றும் இரத்தபரிசோதனை கோவை மருத்துவ கல்லூரி மருத்துவமனையில் இலவசமாக செய்து கொள்ளலாம்
2. கோவையிலுள்ள தனியார் ஆய்வுக்கூடங்களான மைக்ரோ லேப்(Micro lab)மற்றும் இம்மினோ லேப்பில் (Immuno lab) கட்டணம் செலுத்தி செய்து கொள்ளலாம்.

நன்றி : தமிழ்நாடுஅரசு மருத்துவதுறை சார்பில் கொடுக்கப்பட்ட அறிவிப்பு